البانیہ میں اٹلی سے آئے شہریوں کا بل اطالوی حکومت کو ادا کرنا پڑگیا ہے۔

غیر ملکی خبر رساں ادارے کی رپورٹ کے مطابق یورپی ملک البانیہ میں اٹلی سے آئے سیاح کھانا کھانے کے بعد بغیر بل ادا کیے ہی روانہ ہوگئے جس کا بل اطالوی حکومت کو ادا کرنا پڑ گیا ہے۔

ریسٹورنٹ کے مالک کا کہنا ہے کہ یہ پہلی بار ہوا ہے کہ کوئی کسٹمر بغیر بل ادا کیے ہی چلا گیا ہوں جب کہ انہوں نے کھانے کی بھی تعریف کی تھی۔

یہ خبر دونوں ممالک کے میڈیا کی زینت بن گئی اور اس قدر بڑھ گئی کہ البانیہ کے وزیر اعظم کو اپنے ملک کے دورے پر موجود اطالوی وزیر اعظم سے اس پر بات کرنا پڑی۔

البانیہ کے وزیر اعظم کا کہنا تھا کہ اطالوی وزیر اعظم نے اس امید کا اظہار کیا ہے کہ اس طرح کے واقعات مستقبل میں نہیں ہوں گے جب انہوں نے قانون کی عزت کرتے ہوئے بل کی ادائیگی کردی ہے۔

ان کا کہنا تھا کہ جب اطالوی وزیر اعظم سے بات ہوئی تو انہوں نے اپنے سفیر کو بلا کر کہا تھا کہ ’جاؤ اور ان بیوقوفوں کا بل ادا کرو‘ جب کہ اس بات کی تصدیق اٹلی کے سفیر نے بھی کردی ہے۔

واضح رہے کہ یہ واقعہ البانیہ کے شہر برات میں پیش آیا تھا، جہاں 4 اطالوی سیاحوں نے پہلے ریسٹورنٹ میں کھانا کھایا اور جب بل ادا کرنے کا وقت آیا تو وہ روانہ ہوگئے تھے جب کہ ان کا بل 80 یورو تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/amazing/2023/08/170362/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/amazing/2023/08/170362/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں