خیبر پختونخوا میں 95 سالہ بزرگ محمد زکریا نے دوسری شادی کر لی۔

رپورٹ کے مطابق محمد زکریا مانسہرہ کے علاقے پکھوال چوک کے رہائشی ہیں جن کی پہلی اہلیہ 2011 میں انتقال کر گئی تھیں، پہلی اہلیہ سے ان کے 7 بیٹے اور 5 بیٹیاں ہیں جن سے ان کے کئی پوتے پوتیاں اور نواسے نواسیاں بھی ہیں۔

محمد زکریا مانسہرہ کی کاروباری شخصیت ہیں جو  فصلوں اور بیچوں کے کاروبار سے وابستہ ہیں۔

وہ پہلی اہلیہ کے انتقال کے بعد سے خود کو کئی برسوں سے اکیلا محسوس کر رہے تھے لہٰذا انہوں نے کئی سال قبل اپنے بچوں سے دوسری شادی کی خواہش کا اظہار کیا تاہم اس وقت بچوں نے والد کی اس خواہش کو قبول کرنے سے انکار کر دیا تھا۔

محمد زکریا کا کہنا تھا کہ کئی برسوں بعد اب ان کے چھوٹے بیٹے نے ان کے لیے دلہن تلاش کرتے ہوئے ان کی دوسری شادی کی خواہش پوری کروا دی ہے، محمد زکریا کی دوسری اہلیہ بھی بیوہ ہیں۔

رپورٹ کے مطابق عمر رسیدہ جوڑے کی شادی کی تقریب کے لیے مانسہرہ کے ہال کا انتخاب کیا گیا جہاں دلہا کو نکاح نامے پر دستخط کے وقت خوشی سے نہال دیکھا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/amazing/2023/08/695102/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/amazing/2023/08/695102/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں