ہارر فلمیں دیکھنے والے افراد کے لئے اچھی خبر آ گئی ہے۔

ایک حالیہ تحقیق کے مطابق ہارر فلمیں دیکھنا صحت کے لیے فائدہ مند ہوتی ہیں۔

جی ہاں، تحقیق میں بتایا گیا کہ ہارر فلمیں دیکھتے ہوئے ہمارا دماغ تناؤ میں کمی لانے کے لیے طاقتور کیمیکلز خارج کرتا ہے، اینڈروفنز اور ڈوپامائن جیسے کیمیکلز تناؤ میں کمی لانے کے ساتھ ساتھ خوشی کا احساس بڑھاتے ہیں، جس سے تکلیف برداشت کرنے کی صلاحیت بہتر ہوتی ہے۔

محققین کا کہنا ہے کہ خوف یا تجسس کے حوالے سے جسم ردعمل ظاہر کرتے ہوئے تناؤ بڑھانے والے ہارمونز بنانے کا عمل تیز کرتا ہے جس سے دل کی دھڑکن تیز ہو جاتی ہے اور توجہ مرکوز کرنے میں مدد ملتی ہے۔

انہوں نے کہا کہ اس کے ساتھ ساتھ دماغ بھی کیمیکلز خارج کرتا ہے تاکہ جسم بہت زیادہ تناؤ کا شکار نہ ہو جس سے فلم کے اختتام پر خوشی اور جوش کا احساس ہوتا ہے۔

ان کا کہنا تھا کہ ہارر فلموں سے لوگ محفوظ طریقے سے اپنے خوف کو جانچ سکتے ہیں کیونکہ فلموں میں خوف کا احساس بڑھانے والے عناصر حقیقی زندگی کے مقابلے میں زیادہ سادہ ہوتے ہیں۔

محققین کے مطابق اس طرح ہمیں حقیقی زندگی میں منفی جذبات پر قابو پانے اور خوف یا تناؤ کے خلاف مزاحمت میں مدد ملتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/amazing/2023/10/108643/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/amazing/2023/10/108643/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں