ناسا کے سابق سائنسدان کا کہنا ہے کہ زیر سمندر خلائی مخلوق(ایلینز) کا خفیہ اڈہ ہو سکتا ہے۔

تفصیلات  کے مطابق 2001 سے 2005  تک ناسا کے ایمز ریسرچ سینٹر میں کام کرنے والے ایک ممتاز ماہر تعلیم کیون ناتھ کا خیال ہے کہ یو ایف اوز میں آنے والے لوگ  ہمارے سمندروں  کی تہوں میں رہائش پذیر ہوسکتے ہیں۔

ان کا کہنا ہے کہ ایسی بہت سی وجوہات ہیں جن کی وجہ سے خلائی مخلوق (ایلینز) زمین کی سطح پر رہنے کے بجائے پانی کے اندر رہنے کا انتخاب کر سکتے ہیں۔

کیون ناتھ کا کہنا ہے کہ اگر وہ (خلائی مخلوق) ناقابل شناخت رہنے کو ترجیح دیتے ہیں تو گہرے سمندر ان کے لیے مثالی ہیں۔

انہوں نے مزید کہا کہ زمین کی سطح کا 75 فیصد حصہ پانی پر مشتمل ہے اور اس تک ہماری رسائی بہت کم ہے۔ لہذا اگر آپ کہیں چھپنے جا رہے ہیں تو یہ بالکل درست  جگہ ہے۔

واضح ہے کہ چند روز قبل لیک ہونے والے ایک امریکی خفیہ دستاویز میں  خلائی مخلوق (ایلینز) سے ملاقات کا دعویٰ کیا گیا تھا۔

دستاویز میں کہا گیا تھا کہ 25 اپریل 1964 کو امریکی فضائیہ کے انٹیلی جنس افسر نے نیو میکسیکو کے صحرا میں  دو خلائی مخلوق (ایلینز) سے ملاقات کی تھی   جو تقریباً تین گھنٹے تک جاری رہی تھی۔