مشہور جیمز ویب ٹیلی اسکوپ سے سیارہ یورینس کی انتہائی تفصیلی تصاویر حاصل کی گئی ہیں  جو اس سے پہلے ممکن نہیں تھی واضح رہے کہ سیارہ یورینس ہمارے نظام شمسی کا ایک انتہائی خوبصورت سیارہ ہے تاہم اس کی مکمل اور واضح تصویر اس سے پہلے کبھی دیکھی نہیں گئی تھی۔

جیمز ویب ٹیلی اسکوپ نے سیارہ یورینس کے مزید چاند اور دائرے شاندار انداز میں دکھائے۔ ایک سال سے بھی کم عرصے میں خلا میں بھیجی جانے والی جیمز ویب اسپیس ٹیلی اسکوپ اس وقت زمین کے گرد گھوم رہی ہے اور اس نے سیارہ یورینس کی بہت ہی تفصیلی تصویرلی ہے۔

 اس ایک ہی تصویر کے اندر سیارہ یورینس کے فضا میں رونما ہونے والا طوفان اس کے گیارہ یا نو کے قریب  رنگ، دائرے یا حلقے  اورنو چاند دیکھے جاسکتے ہیں۔ اس تصویر کو سائنسدانوں میں بہت زیادہ سراہا ہے اور اسے سال کی شاندارخلائی تصویرکا نام دیا ہے۔

یہ تصویر رواں برس اپریل میں لی گئی تھی، تاہم اس کی پروسسنگ میں کئی ماہ لگ گئے تھے اور اب یہ تصوہر ناسا اور متعلقہ اداروں نے جاری کردی ہے اس پہلے آپ نے سیارہ یورینس کی گدلی یا بھدی تصاویر ہی دیکھی ہوں گی لیکن اس بار اس بہت ہی شاندار تصویر کے اندرسیارہ یورینس کی بہت ساری تفصیلات بشمول اس کی فضا میں آنے والی طوفان کو بھی دیکھا جاسکتا ہے یہی وجہ ہے کہ سائنسدان اس کا بغور مطالعہ بھی کر رہے ہیں۔

جیمز ویب ٹیلی اسکوپ نے اپنے انفرا سینسر کو وسیع کیا اور اس کا استعمال کرتے ہوئے تصویرلی۔

ماہرین یہ دیکھ کر حیران رہ گئے کہ یورینس کے جو ستائس چاند ہیں ان میں سے نو چاند ایسے ہیں جو ایک ہی رخ کے اوپر جھکے ہوئے ہیں یعنی کہ 98 ڈگری کے اوپر جھکے ہوئے تھے اور یہ خوبصرت منظر جیمز ویب ٹیلی اسکوپ نے ریکارڈ کرلیا۔