سوشل میڈیا پر آئے دن روایتی کھانوں کے ساتھ نئے تجربات کئے جاتے ہیں جو کہ زیادہ تر مایوس کن ہوتے ہیں۔

ایسا ہی ایک تجربہ بریانی کے ساتھ بھی کیا گیا ہے جو کہ سوشل میڈیا پر کافی وائرل ہورہا ہے اور صارفین نے اسے ناقابل قبول قرار دیا ہے۔

بھارت کے شہر کولکتہ میں مقیم ایک اسٹریٹ وینڈر نے چونکا دینے والا فوڈ کومبو متعارف کرایا ہے جسے ‘بریانی مومو’ کہتے ہیں۔

یہ ڈش دو مقبول ترین ڈشز کے ساتھ بنائی گئی ہے جس میں چکن بریانی اور موموز کو ملا کر ایک نئی ڈش پیش کردی گئی ہے جو کہ ایک فوڈ بلاگر کے ذریعے منظر عام پر آئی ہے۔

بریانی مومو کے نام سے وائرل ہونے والے اس فوڈ کومبو میں سادہ روٹیوں میں چکن بریانی بھری ہوئی ہے۔

پوسٹ کئے جانے کے بعد سے اس ویڈیو کو انسٹاگرام پر 10 لاکھ سے زیادہ ویوز مل چکے ہیں، جبکہ 32,000 سے زیادہ لائکس حاصل کر چکی ہے۔

اس ویڈیو پر صارفین کے ملے جلے تبصرے موصول ہوئے ہیں جن میں سے کچھ نے اس نئی ڈش کو دلچسپ قرار دیا ہے جبکہ کچھ نے اس کو تنقید کا نشانہ بنایا ہے۔