دنیا میں ایسے افراد کی کمی نہیں ہے جو کچھ الگ اور منفرد کام کرنا چاہتے ہیں جسے پہلے کبھی نہیں کیا گیا تاکہ ان نام کو ایک پہچان مل جائے، اسی طرح کی سوچ حامل ایک خاتون نے برف میں سب سے طویل وقت گزرنے کا فیصلہ کیا۔

پولینڈ سے تعلق رکھنے والی 48 سالہ کیٹارزینا جیکوبوسکا نے گنیز بک آف ورلڈ میں اپنا نام درج کرانے کے لیے اپنی گردن تک برف سے بھرے ڈبے میں 3 گھنٹے، 6 منٹ اور 45 سیکنڈ  تک وقت گزارا، اور اس طرح انہوں نے باضابطہ طور پر ایک خاتون کی حیثیت سے برف میں  طویل ترین وقت تک رہنے کا عالمی ریکارڈ قائم کیا۔

واضح رہے اس سے پہلے مردحضرات میں یہ ریکارڈ پولینڈ سے ہی تعلق رکھنے والے کرزیزٹوف گاجیوسکی نے قائم کیا تھا اور انہوں نے 3 گھنٹے، 11 منٹ اور 27 سیکنڈز تک اپنے جسم کو برف سے ڈھانپ کر رکھاتھا۔

جیکوبوسکا نے گنیز ورلڈ ریکارڈ کو بتایا کہ مجھے یقین ہے بطور خواتین ہمارے پاس بڑی طاقت ہے  اور میں یہ دکھانا چاہتی ہوں کہ اگر ہم کچھ کرنا چاہتے ہیں تو ہم یہ کر سکتے ہیں۔