فوڈ بلاگرز کی وجہ سے بہت سے عجیب و غریب کھانے کے تجربات سامنے آنے لگے ہیں اور بہت سے اسٹریٹ وینڈرز ایسے ہیں، جو فوڈ فیوژن متعارف کرانے کے لیے وائرل ہو گئے ہیں جس کے متعلق کوئی تصور بھی نہیں کر سکتا تھا۔

اس بار پاکستان سے تعلق رکھنے والے ایک شخص نے جلیبیاں تیار کرنے کا جدید طریقہ دکھا کر انٹرنیٹ پر دھوم مچا دی ہے۔

ٹیکنالوجی کو روایت کے ساتھ جوڑتے ہوئے فیصل آباد شہر میں مٹھائی کی دکان چلانے والے شخص نے تھری ڈی پرنٹر نوزل ​​کے ذریعے جلیبیاں بنانے کا طریقہ ایجاد کیا ہے۔

Who the hell thought that a 3D printers nozzle would be a good idea to make Jalebis pic.twitter.com/l8A4p4iawa

Advertisement

— Aryaman (@AryamanBharat) February 20, 2024

وائرل ویڈیو کا آغاز ایک مٹھائی کی دکان کے باہر سے ہوتا ہے جس میں ایک آدمی کو جلیبیاں بنانے کے لیے تھری ڈی پرنٹر کی نوزل ​​کو استعمال کرتے ہوئے دیکھا جا سکتا ہے۔

آرین بھارت نامی صارف نے X (سابقہ ​​ٹویٹر) پر ایک ویڈیو ڈراپ کی، جس میں کیپشن لکھا کہ، “کس نے سوچا کہ 3D پرنٹر کی نوزل ​​جلیبیاں بنانے کے لیے ایک اچھا خیال ہو گا۔”

اس ویڈیو کے وائرل ہونے کے بعد سے بہت سے بھارتی صارفین نے اس عمل سے دنگ رہ گئے۔ اس نئی ایجاد کو “روبوٹک جلیبی” کا نام دیا گیا ہے۔