وینیزویلا میں ایک مجرم عورت کا بھیس بدل کر جیل سے فرار ہونے میں کامیاب ہوگیا۔

غیر ملکی میڈیا رپورٹس کے مطابق یہ حیرت انگیز واقعہ وینزویلا میں پیش آیا جہاں 25 سالہ نوجوان عورت کا روپ دھار کر فرار ہونے میں کامیاب ہوگیا۔

رپورٹ میں بتایا گیا کہ مینوئل لورینزو نامی شخص کو قتل اور ڈکیتیوں کے جرم میں قید کیا گیا تھا۔

یہ واقعہ دوپہر 2 بجے کے قریب پیش آیا جب مینوئل کی گرل فرینڈ ان سے ملنے آئیں تو اپنے ساتھ ممکنہ طور پر خاتون کے مخصوص سامان بھی لائیں۔

ملاقات کے اوقات کے بعد مینوئل نے بھیس بدلا اور سیاہ رنگ ہونے کے باوجود وہ جیل کے کئی گارڈز کو یہ باور کرانے میں کامیاب رہے کہ وہ ایک سنہرے بالوں والی خاتون ہیں اور اس طرح وہ جیل سے فرار ہوگئے۔

اس واقعے کے حوالے سے چار گارڈز سے تفتیش کی جا رہی ہے۔