اکثر افراد کو وقت تیزی سے گزرنے کا احساس ہوتا ہے لیکن کیا آپ اس کی وجہ جانتے ہیں؟ اگر نہیں تو آج ہم آپ کو بتائیں گے۔

وقت کے تیزی سے گزرنے کے احساس سے متعلق ماہرین کا کہنا ہے کہ 8 سال کی عمر میں ایک سال پوری زندگی کے برابر محسوس ہوتا ہے جبکہ 80 سال کی عمر میں لگتا ہے کہ جیسے ایک ہفتے میں ایک سال گزر گیا۔

ماہرین کے مطابق اس کی ایک وجہ یادوں کا وقت کے تصور پر اثرانداز ہونا ہے، انکا کہنا ہے کہ کسی وقت کے دورانیے کے بارے میں ہماری جتنی یادیں ہوں گی، اتنا ہی ہمیں اس کا وقت سست روی سے گزرنے کا احساس ہوگا۔

بچپن کے مقابلے میں درمیانی عمر یا بڑھاپے میں نئی یادیں کم بنتی ہیں تو وقت تیزی سے گزرنے کا احساس ہوتا ہے۔

تو اس سے بچنے کا کوئی طریقہ ہے؟

ماہرین کے مطابق زندگی میں نئے تجربات سے نئی اور واضح یادیں تشکیل پاتی ہیں جس سے احساس ہوتا ہے کہ وقت سست روی سے گزر رہا ہے۔

اس کے علاوہ کچھ نیا سیکھنے کے دوران دماغ کو مصروف رکھنے سے بھی وقت گزرنے کی رفتار کے تصور پر اثر انداز ہوتا ہے۔