بھارت میں ایک انوکھا اور حیران کن واقعہ پیش آیا جہاں ایک نوجوان نے گرل فرینڈ کا فون مسلسل مصروف ملنے پر انتہائی قدم اٹھاتے ہوئے پورے گاؤں کی بجلی بند کر دی۔

بھارتی میڈیا رپورٹس کے مطابق، نوجوان اپنی محبوبہ سے بات نہ ہونے پر شدید غصے میں آ گیا۔ جب بار بار کال کرنے کے باوجود لڑکی کا نمبر مصروف رہا تو اس نے بجلی کے کھمبے پر چڑھ کر گاؤں کو فراہم کی جانے والی بجلی کاٹ دی۔

نیکسٹ لیول ناراضگی، بھارت میں ایک ناراض عاشق نے محبوبہ کے گائوں کی بجلی کاٹ دی، وجہ محبوبہ کا فون بزی جا رہا تھا، ویڈیو وائرل۔۔!! pic.twitter.com/USbKdw2E0y

— Khurram Iqbal (@khurram143) September 3, 2025

واقعے کی ویڈیو سوشل میڈیا پر تیزی سے وائرل ہو گئی ہے، جس میں دیکھا جا سکتا ہے کہ نوجوان غصے سے بھرے انداز میں کھمبے پر چڑھ رہا ہے اور بجلی کاٹ رہا ہے۔ ویڈیو میں گاؤں کی روشنی گل ہوتے بھی دکھایا گیا ہے۔

تاہم نوجوان یا لڑکی کی شناخت ظاہر نہیں کی گئی، البتہ اس غیر معمولی حرکت نے سوشل میڈیا پر بحث چھیڑ دی ہے۔ صارفین دلچسپ تبصرے کرتے ہوئے کہہ رہے ہیں کہ “محبت میں پاگل ہونا سنا تھا، لیکن بجلی کاٹ دینا نئی بات ہے۔”