ایشیائی ترقیاتی بینک  (اے ڈی بی)نے پاکستان کو آئندہ پانچ سالوں میں 10 ارب ڈالر دینے کا اعلان کیا ہے ۔

تفصیلات کے مطابق ایشیائی ترقیاتی بینک پاکستان کو آنے والے پانچ سالوں میں 10ارب ڈالر دےگا ۔ یہ رقم حکومت کی جانب سے مختلف ترقیاتی منصوبوں میں استعمال کی جائیگی۔

یاد رہے کہ پاکستان اور اے ڈی بی سنہ 1966 سے  ایک ساتھ کام کر رہے ہیں اور نئے معاہدے کے مطابق 2020 سے 2024 تک شراکت دار رہیں گے۔اب تک اے ڈی بی کی جانب سے پاکستان کو مختلف منصوبوں کے لئے 32 ارب ڈالر موصول ہوچکے ہیں۔

واضح رہے کہ پاکستان اور ایشیائی ترقیاتی بینک کی  میٹنگ میں وزیراعظم کے معاون خصوصی برائے پیٹرولیم ندیم بابراور اکنامک افیئرز کے سیکرٹری نور احمد شریک ہوئے جبکہ اے ڈی بی کے سینئر ایڈوائزر محمد احسان خان، بینک کی کنڑی ڈائریکڑ مس شیاہونگیانگ بھی شریک تھیں۔