سونے کی قیمت اونچی  اڑان بھرنے کے بعد     نیچے آنے  لگی ، مارکیٹ میں فی تولہ سونے کی قیمت 200 روپے گھٹ گئی۔

کاروباری ہفتے کے چوتھے روز سونے کی قیمت  میں  کمی   ریکارڈ کی  گئی ہے  ، مارکیٹ میں فی تولہ سونے کی قیمت 200 روپے گھٹنے کے بعد 87900 روپے کی سطح پر پہنچ گئی ہے جبکہ 10 گرام سونے کی قیمت میں بھی 172 روپے کی کمی دیکھی گئی ہے۔

لاہور، کراچی، اسلام آباد، پشاور، کوئٹہ، ملتان، فیصل آباد، سکھر، حیدر آباد، گوجرانوالہ، راولپنڈی سمیت دیگر صرافہ مارکیٹوں میں10 گرام سونے کی  قیمت 172 روپے کم ہو کر 75360 روپے کی سطح پر پہنچ گئی ہے۔

 دوسری جانب  انٹر بینک میں روپیہ مسلسل امریکی ڈالر پر حاوی ہو رہا ہے، آج بھی کاروبار کے اختتام پر امریکی کرنسی کی قدر 34 پیسے گرگئی۔

کاروباری ہفتے کے چوتھےروز ملک بھر میں ڈالر کی قدر میں گراوٹ دیکھنے میں آ رہی ہے، انٹر بینک میں 34 پیسے کی گراوٹ دیکھی گئی جس کے بعد مارکیٹ میں ایک امریکی ڈالر 158.23 روپے کی سطح پر پہنچ گیا ہے۔

کاروبار کے دوران انٹر بینک کے برعکس اوپن مارکیٹ میں ڈالر کی قیمت مستحکم رہی، مارکیٹ میں اس وقت ایک ڈالر 158.90 روپے کی سطح پر برقرار ہے۔