ملک بھر میں سونے کی فی تولہ اور 10 گرام کی قیمت میں اضافہ ریکارڈ کیا گیا۔

سونے کی فی تولہ قیمت میں 700 روپے کا اضافہ دیکھا گیا، 700 روپے اضافے کے بعد فی تولہ سونے کی قیمت 87200 روپے کی سطح پر پہنچ گئی ہے۔ 10 گرام سونے کی قیمت 600 روپے اضافے کے بعد 74760 روپے ہو گئی ہے۔

دوسری جانب عالمی مارکیٹ میں بھی سونے کی قیمت میں اضافہ دیکھا گیا۔ عالمی بازار میں سونا 15 امریکی ڈالر مہنگا ہو کر 1504 ڈالر فی اونس کا ہو گیا ہے۔
سونے کی طرح آج ملک بھرمیں انٹربینک اوراوپن مارکیٹ میں امریکی ڈالر کی قدر کاروباری ہفتےکے پہلےروزبڑھ گئی۔

 اوپن مارکیٹ میں امریکی کرنسی 20 پیسےمہنگی ہو گئی ہے۔ روپے کےمقابلہ میں ایک امریکی ڈالر156 روپے50 پیسےکی سطح پرپہنچ گیا ہے۔

دوسری طرف اوپن مارکیٹ کی طرح انٹربینک میں ڈالرکی قدربڑھ گئی۔ کاروباری ہفتے کے پہلے روزانٹربینک میں امریکی کرنسی میں 5 پیسے اضافہ دیکھا گیا۔ انٹربینک میں روپے کے مقابلے میں ایک ڈالر156روپے24 پیسےکی سطح پربند ہوا۔