ملک بھر میں سونا فی تولہ سونا 500 روپے مہنگا  ہوگیا۔

تفصیلات کے مطابق مقامی  صرافہ مارکیٹ میں   سونے کی قیمتوں میں اضافہ ہوا ہے جس کے بعد فی تولہ سونا 500 روپے اضافے سے 87 ہزار 600 روپے کاہوگیا  ہے۔

دس گرام سونا 429 روپے اضافے سے 75 ہزار 103 روپے کا ہوگیا  ہے۔

عالمی صرافہ مارکیٹ میں سونا 16 ڈالر اضافے  کے بعد 1517 ڈالرز فی اونس ہوگیا ہے۔

واضح رہے کہ مقامی مارکیٹ میں کچھ روز قبل سونے کے فی تولہ نرخ تاریخ کی بلند ترین سطح 89 ہزار روپے پر پہنچ گئے تھے، جس کے بعد کئی روز کی کمی سے قیمت 87 ہزار روپے کی سطح پر آگئی تھی۔