اسٹیٹ بینک نےایکسچینج کمپنیزسےڈالرخریدنے والوں کا ریکارڈ حاصل کرنے کا فیصلہ کرلیا ہے۔

تفصیلات کے مطابق اسٹیٹ بینک نے ڈالر خریدنے والوں کے ریکارڈ سے متعلق فیڈرل بورڈ آف ریونیو کوخط لکھ دیا۔

خط میں کہا گیا کہ بینک ایکسچینج کمپنی کوفارن ایکسچینج ریگولیشن ایکٹ کے تحت دیکھتا ہے۔

خط میں یہ بھی کہا گیا کہ ڈالر کی ذخیرہ اندوزی کی روک تھام پر اہم اجلاس بھی ہوچکے ہیں اور مذکورہ قدم بھی اسی سلسلے میں اٹھایا جارہا ہے۔

اسٹیٹ بینک کا کہنا تھا کہ ایف بی آرفارن کرنسی خریدار کا کرنسی ایکسچینج کمپنیز سے ڈیٹا لے سکتا ہے۔ حکومت نے ڈالر کی ذخیرہ اندوزی پر کارروائی شروع کر رکھی ہے۔

اسٹیٹ بینک نے اپنے خط میں کہا کہ مرکزی بینک ایکسچینج کمپنی کوفارن ایکسچینج ریگولیشن ایکٹ کے تحت ریگولیٹ کرتا ہے۔

اسٹیٹ بینک نے اپنے خط میں مزید کہا کہ فارن کرنسی کے خلاف کریک ڈاون کےآپریشن میں تمام متعلقہ ایجینسی کی مدد لی جارہی ہے جس میں ایف بی آر سمیت ایف آئی اے، ایف ایم یو اور اے این ایف شامل ہیں۔