فنانشل ایکشن ٹاسک فورس کو مطمئن کرنے کے لئے پاکستانی اقدامات پر مشتمل تفصیلی رپورٹ تیار  کر لی گئی ہے۔

ذرائع کے مطابق فنانشل ایکشن ٹاسک فورس سفارشات پر عملدرآمد ،اقدامات پرمفصل رپورٹ جمع کرائی گئی، رپورٹ میں منی لانڈرنگ کی روک تھام پراقدامات شامل ہیں جبکہ پاکستان نے ٹیرر فنانسگ پراقدامات بھی رپورٹ میں شامل کئے ہیں۔

رپورٹ میں پاکستان دہشت گردوں تک رقوم، اثاثے اور زیورات کی منتقلی روکنے کے اقدامات سے آگاہ کیا جائے گا۔

ایف اے ٹی ایف سات  دسمبر  کو  پاکستان کی رپورٹ کا ابتدائی جائزہ لے گا۔

دہشت گردوں تک رقوم پہنچانے کے 700 کیسز کی تحقیقات، کالعدم تنظیموں تک رقوم پہنچانے والے  190 افراد کے خلاف کارروائیاں شامل ہیں۔ تیار کردہ رپورٹ میں

رپورٹ میں مزید بتایا گیا ہے کہ دہشت گردوں تک رقوم پہنچانے پر 170 افراد دھر لیے، دہشت گردوں تک رقوم پہنچانے والوں کے خلاف گھیرا تنگ کیا گیا پاکستان  کالعدم تنظیموں کی1000جائیدادیں ضبط کی گئی ہیں۔

جاری کردہ رپورٹس کے مطابق ان جائیدادوں میں 35 کے مالکان کے خلاف تحقیقات جاری ہیں جبکہ پاکستان مزید 150 قیمتی جائیدادوں کی تحقیقات بھی کررہا ہے اور کرنسی اسمگلنگ کے خلاف ایکشن میں  220 فی صد اضافہ ہوا ہے۔

یاد رہے کہ فنانشل ایکشن ٹاسک فورس کے اجلاس میں پاکستان کو اگلے برس فروری تک گرے لسٹ میں رکھنے کا فیصلہ کیا گیا ہے۔

تفصیلات کے مطابق فرانس کے دارالحکومت پیرس میں ایف اے ٹی ایف کے  صدر نے پریس کانفرنس کرتے ہوئے کہا کہ منی لانڈرنگ اور دہشتگردی کے خاتمے کے لیے پاکستان نے مثبت اقدامات کیے ہیں۔

 ایف اے ٹی ایف کے صدر نے کہا کہ پاکستان کا نام فی الحال گرے لسٹ میں ہی رہے گا لہٰذا پاکستان کو مزید اور تیز اقدامات کرنے ہوں گے۔

ایف اے ٹی ایف نے پاکستانی اقدامات کی تعریف کرتے ہوئے کہا کہ معاملات مزید بہتر کرنے کے لیے پاکستان کو فروری 2020 تک کا وقت دیا گیا ہے۔

پاکستان کی جانب سے ایف اے ٹی ایف کی گرے لسٹ سے نکلنےکامطالبہ کیاگیا تھا جس پرایف اے ٹی ایف کی جانب سےپاکستان کوپلان آف ایکشن کے باقی نکات پرعمل درآمد کرنے اورمنی لانڈرنگ کو روکنے کے لیے حکمت عملی اختیار کرنےکی ہدایت کی گئی ہے۔