آئل اینڈ گیس ریگولیٹری اتھارٹی(اوگرا ) نے پیٹرولیم مصنوعات کی قیمتوں میں ردوبدل کی سمری  تیار کرلی ہے۔

تفصیلات کے مطابق آئل اینڈ گیس ریگولیٹری اتھارٹی(اوگرا )  نے پیٹرولیم مصنوعات کی قیمتوں میں ردوبدل کی سمری پیٹرولیم ڈویژن کو بھجوادی ہے۔

سمری میں ہائی اسپیڈ ڈیزل 2روپے 47پیسے  جبکہ لائٹ ڈیزل ایک روپے 10پیسے فی لیٹرمہنگا کرنے کی سفارش کی گئی ہے۔

اس کےعلاوہ پیٹرول  6پیسے  فی لیٹر اور مٹی کا تیل 66پسیے فی لیٹر سستا کرنے کی  بھی تجویز پیش کی گئی ہے۔

وزارت خزانہ ،وزیر اعظم کی منظوری کے بعد نئی قیمتوں کا اعلان کل  کرے گی جبکہ نئی قیمتوں کا اطلاق یکم فروری سے  ہوگا۔

دوسری جانب ترجمان اوگرا عمران غزنوی  نے پٹرولیم مصنوعات کی قیمتوں  میں رد و بدل کے حوالےسے  کہنا تھا کہ اوگرا فارمولے کے مطابق پٹرولیم مصنوعات کی قیمت کی کیلکولیشن کرتا ہے۔

ترجمان اوگرا  نے کہا کہ عالمی قیمتوں کے مطابق پٹرولیم مصنوعات کی قیمتیں  طے کی جاتی  ہیں،ایک پیسے کا فرق نہیں ہوتا۔تجاویز کے بعد حکومت اس میں ٹیکس ایڈجسٹ کرتی ہے۔

عمران غزنوی نے مزید کہا کہ یہ قیمتیں ڈی ریگولیٹ ہیں، ہم انہیں کاؤنٹر چیک کرتے ہیں۔