کورونا وائرس کے پیش نظر وزیراعظم عمران خان کی جانب سے بڑے معاشی ریلیف پیکج کی منظوری دے دی گئی ہے۔

تفصیلات کے مطابق وزیراعظم عمران خان کی زیر صدرات معاشی ٹیم کا اجلاس ہوا ہے جس میں صنعتکاروں و دیگر کے لئے خصوصی ریلیگ پیکجز منظور کرلئے گئے ہیں۔

ذرائع کا کہنا ہے کہ 70 لاکھ دیہاڑی دار افراد کو 3 ہزار روپے ماہانہ دئیے جائیں گے جبکہ ایکسپورٹرز کے لئے 200 ارب روپے کا ریلیف پیکج بھی منظور کرلیا گیا ہے۔

ذرائع کے مطابق وزیراعظم کل تعمیراتی انڈسٹری کے لئے بھی ریلیف پیکج کا اعلان کریں گے۔

اس کے متعلق وزیر اقتصادی امورھماد اظہر نے سوشل میڈیا پر اپنے پیغام میں کہا ہے کہ اقتصادی ریلیف پیکج کا بنیادی مقصد کمزور طبقات کو ریلیف فراہم کرنا ہے، اس سے ملازمت میں ہونے والے نقصانات کو روکنا ، مناسب قیمتوں پر ضروری سامان کی فراہمی کی حوصلہ افزائی ہوگی۔

حماد اظہر کا کہنا تھا کہ پیکیج کا مقصد کاروبارکو تعاون فراہم کرنا اور معیشت کی حوصلہ افزائی کرنا ہے۔

The objectives of the Economic Relief and Stimulus package is to provide relief to vulnerable segments, to prevent job losses, encourage smooth supply of essential goods at reasonable prices, support businesses and stimulate the economy.

— Hammad Azhar (@Hammad_Azhar) March 23, 2020

اس موقع پر انہوں نے کہا کہ وزیر اعظم آفس اور ڈویژنوں سمیت کابینہ کے ممبران نے تجاویز پر عمل کرنے اور فیصلے لینے کے لئے انتھک محنت کی ہے جبکہ معاشی ٹیم معاشی ریلیف پیکج کو حتمی شکل دے رہی ہے، پیکج کا اعلان کل کیا جائے گا۔

دوسری جانب وزیراعلیٰ سندھ مراد علی شاہ کی جانب سے صوبے بھر کے تمام اخراجات کنٹرول کرنے کا فیصلہ کرلیا گیا ہے جس کے مطابق تنخواہوں اور پینشن کے علاوہ تمام ادائیگیاں روکنے کی ہدایت کردی گئی ہے۔

مراد علی شاہ نے سندھ لاک ڈاؤن جیسے بڑے فیصلے کے بعد صوبے کے تمام اخراجات کنٹرول کرنے کا فیصلہ کیا ہے۔

انہوں نے تنخواہ اور پنشن کی علاوہ تمام ادائیگیاں روکنے کی ہدایت کی ہے۔

Govt of Sindh Pensioners can collect pensions from banks 25th march onwards, to avoid crowding on 1st April. Secrerary Finance GoS pic.twitter.com/4KPqel9tiz

— GOS-COVID19 (@19sindh) March 23, 2020

ترجمان وزیراعلیٰ سندھ کے مطابق مراد علی شاہ نے کورونا سے درپیش صورتحال میں ریٹائرڈ ملازمین کو جلد پنشن دینے کا فیصلہ کیا ہے۔

ترجمان کے مطابق وزیراعلیٰ نے محکمہ فنانس کو 25 مارچ سے پنشن دینے کی ہدایت کی ہے۔

صوبائی وزیر تعلیم سعید غنی نے کہا کہ سندھ حکومت نے موجودہ صورتحال میں لوگوں کو گھروں تک راشن پہنچانے کا منصوبہ بنایا تھا، اب فیصلہ ہوا ہے کہ موجودہ صورتحال میں ضرورت مندوں کو نقد رقم منتقل کی جائے گی۔

انہوں نے مزید کہا کہ سندھ حکومت آج ایک نمبر جاری کرے گی، ضرورت مند افراد اس نمبر پر رابطہ کریں، ایک فیملی سے ایک فرد کو رجسٹر کرانا ہوگا۔