وزیراعظم عمران خان نے ہدایات جاری کی ہیں کہ اوورسیز انویسٹرز چیمبر آف کامرس اینڈ انڈسٹری کی دی گئی تجاویز کا جائزہ لیا جائے جو کہ کاروبار موافق فضا کو مزید بہتر کرنے کے حوالے سے وفد نے مختلف تجاویز بھی وزیرِ اعظم کو پیش کیں گئی ہیں۔

تفصیلات کے مطابق وزیر اعظم عمران خان سے اوورسیز انویسٹرز چیمبر آف کامرس اینڈ انڈسٹری کی منیجنگ کمیٹی  کی ملاقات ہوئی جس میں علی حیدر زیدی، عبدالرزاق داؤد، ڈاکٹر عبدالحفیظ شیخ، گورنر سٹیٹ بنک رضا باقر، اور سینئر افسران بھی موجود رہے۔

ملاقات میں اوورسیز انویسٹرز چیمبر آف کامرس اینڈ انڈسٹری کے صدر شہزاد دادا کی جانب سے وزیرِ اعظم عمران خان کو بریفنگ بھی دی گئی۔

بریفنگ میں بتایا گیا کہ چیمبر دو سو کمپنیوں پر مشتمل ہے جو کہ 35 ممالک میں موجود ہیں جو کہ مختلف شعبوں میں کاروباری سرگرمیاں سر انجام دے رہے ہیں۔

مزید بتایا گیا کہ پاکستان کے ٹیکس ریونیو میں ایک تہائی حصہ او آئی سی سی آئی کمپنیوں کی جانب سے ادا کیا جاتا ہے جبکہ او آئی سی سی آئی کمپنیوں کی جانب سے چھ سو ملین ڈالر سے زائد کی برآمدات کی جا رہی ہیں جس کی مدد سے برآمدات کو دو ارب ڈالر تک بڑھایا جا سکتا ہے۔

پاور ڈویژن کے لئے 20 ارب روپے کا خصوصی ریلیف پیکج منظور

بریفنگ میں مزید بتایا گیا کہ او آئی سی سی آئی  سے وابستہ کمپنیوں کی جانب سے اس وقت دس لاکھ افراد کو نوکریوں کے مواقع فراہم کیے جا رہے ہیں جبکہ موجودہ دورِ حکومت میں حکومتی ٹیم کے کاروباری طبقے سے تعلق اور روابط بہتر ہوئے ہیں۔

او آئی سی سی آئی کی جانب سے بتایا گیا کہ حکومتی معاشی ٹیم میں کاروبار کے حوالے سے ایشوز کو بہتر طور پر سمجھا اور حل کیا جاتا ہے جبکہ حکومت کی جانب سے کاروبار موافق پالیسیوں کے اجرا نے غیر ملکی سرمایہ کاروں کے اعتماد میں اضافہ کیا ہے۔

صدر او آئی سی سی آئی نےمعاشی سرگرمیوں  کو دستاویزی شکل دینے کے سلسلے  میں حکومتی کاوشوں کو خصوصی طور پر سراہا جبکہ وفد کی جانب سے روپے کی اصل قیمت کی بحالی، پالیسیوں پر عمل درآمد کے سلسلے میں کی جانب والی کاوشوں کو بھی سراہا گیا ہے۔

ملاقات میں ٹیکس نیٹ کو وسیع کرنے کی کوششوں، کاروبار میں آسانیاں پیدا کرنے اور دیگر اقدامات کو بھی خصوصی طور پر سراہا گیا ہے۔

ملاقات میں وزیراعظم عمران خان کی جانب سے کہا گیا ہے کہ کاروباری برادری کو ہر ممکنہ سہولت فراہم کرنا حکومت کی اولین ترجیح ہے، حکومت کاروباری برادری کو مزید آسانیاں فراہم کرنے کے لئے پر عزم ہے۔

انہوں نے کہا کہ چیمبر سے وابستہ کمپنیوں کی جانب سے نشاندہی  کیے جانے والے معاملات کو فوری طور پر حل کیا جائے کیونکہ موجودہ حکومت کاروباری برادری کی مشاورت سے پالیسوں کی تشکیل ، پالیسیوں پر من و عن عمل درآمد اور ان کا تسلسل چاہتی ہے اور حکومت کی بھرپور کوشش ہے کہ کاروباری طبقے کو مطلوبہ استحکام کی فضا کی فراہمی کو یقینی بنا یا جائے۔

ان کا کہنا تھا کہ حکومت چاہتی ہے کہ کاروباری طبقہ پاکستان میں مختلف شعبوں میں موجود مواقعوں کا بھرپور فائدہ اٹھا سکیں تاکہ ملک میں معاشی سرگرمیوں میں اضافہ ہو۔

وزراعظم عمران خان کی جانب سے او آئی سی سی آئی کی دی گئی تجاویز کا جائزہ لینے کے ساتھ ساتھ کاوششوں کو سراہا بھی گیا ہے۔