کورونا وائرس کے باعث لاک ڈاؤن کی وجہ سے بڑھنے والی بے روزگاری پر قابو پانے اور کاروباری سرگرمیاں بحال رکھنے کے لیے اسٹیٹ بینک آف پاکستان نے مراعاتی پیکج کا اعلان کردیا ہے۔

سماجی رابطے کی ویب سائٹ ٹوئٹر پر وزیر اعظم پاکستان عمران خان نے اعلان کیا ہے کہ مخصوص بندشوں کےذریعےعوام کومحفوظ بنانےاور نادار شہریوں کی دیکھ بھال کے کام میں توازن کی حکمت عملی کے تحت اسٹیٹ بنک نے آج کاروباری طبقے کیلئے مراعات کا اعلان کردیا ہے۔

وزیراعظم عمران خان کا اپنے پیغام میں کہنا تھا کہ کورونا وائرس کی وجہ سے کاروباری طبقے کیلئے اسٹیٹ بینک کی مراعات نہ صرف کاروباروں کو زندہ رہنے میں مدد دیں گی بلکہ ان سے بیروزگاری کے سیلاب کے آگے بند باندھنے میں بھی مدد ملے گی۔

مخصوص بندشوں کےذریعےعوام کومحفوظ بنانےاور نادارشہریوں کی دیکھ بھال کےکام میں توازن کی حکمت عملی کےتحت سٹیٹ بنک نےآج کاروباری طبقےکیلئےمراعات کا اعلان کیاہے۔احساس کی چھتری تلےغریبوں کوہنگامی صورتحال میں نقد رقوم کی تقسیم جاری ہےجبکہ کاروباری طبقےکیلئےمراعات کا اہتمام کیاجارہاہے۔

Advertisement

— Imran Khan (@ImranKhanPTI) April 11, 2020