وزیرٹرانسپورٹ سندھ اویس شاہ نے کہا ہے کہ سندھ میں ٹرانسپورٹ عید تک بند رکھنے کا فیصلہ کیا ہے۔

 تفصیلات کے مطابق وزیرٹرانسپورٹ سندھ اویس شاہ نے بول نیوز سے ٹیلیفونک گفتگو کرتے ہوئے کہا کہ کورونا وائرس کی پیش نظر انٹرسٹی ٹرانسپورٹ عید تک بند رکھنے کا فیصلہ کیا ہے  اور اس سے  متعلق سمری وزیراعلی سندھ کو بھیج دی۔

اپنے بیان میں  اویس شاہ نے کہا کہ ٹرانسپورٹرز کو ریلیف دینے کے لیے مختلف موٹروہیکل ٹیکس معاف کرینگے جبکہ عید کے بعد انٹر سٹی ٹرانسپورٹ کھولنے پر غور کرینگے۔

 وزیرٹرانسپورٹ سندھ اویس شاہ نے مزید کہا کہ دوسری سمری ایکسائز محکمے کو بھیج دی جس پر مختلف موٹروہیکل ٹیکس معاف کرنا شامل ہے۔

یاد رہے اس سے قبل سندھ حکومت نے وزیراعظم کی اپیل مسترد کرتے ہوئے پبلک ٹرانسپورٹ نہ کھولنے کا اعلان  کیا تھا۔

پیر سے پبلک ٹرانسپورٹ کھولنے کا فیصلہ

سندھ کے وزیر ٹرانسپورٹ اویس شاہ نے کہا تھا کہ وزیراعظم کے حکم کا احترام  ہے مگر روزانہ کیسز میں اضافہ ہورہا ہے، تاہم پبلک ٹرانسپورٹ نہیں کھول سکتے ۔

اویس شاہ نے مزیدکہا تھا کہ تاجرون سے بار بار اپیل کی کے ایس او پی پر عمل کروائیں،اس کا نتیجہ بھی سب نے دیکھ لیا، او پی طے ہونے کہ بعدجب فیکٹری مالکان کو اجازت دی تو انہوں نے بھی ان پر عمل نہیں کیا۔

واضح رہے کہ وزیر اعظم عمران خان نے صوبوں سے پبلک ٹرانسپورٹ کھولنے کی اپیل کی تھی، جس پر پنجاب اور خیبر پختون خوا کی حکومتوں نے بھی ایس او پیز پر عمل درآمد کی شرط کے ساتھ اپنے اپنے صوبوں میں پبلک ٹرانسپورٹ کھولنے کی اجازت دے دی ہے۔