حکومت نے پٹرولیم مصنوعات کی قیمتوں میں زبردست کمی کا اعلان کردیا ہے۔

تفصیلات کے مطابق وزارت خزانہ کی جانب سے جاری کردہ اعلامیہ میں کہا گیا ہے کہ پیٹرول کی قیمت میں 7 روپے 6 پیسے فی لیٹر کمی کردی ہے۔

 وزارت خزانہ کی جانب سے بیان میں کہا گیا کہ ڈیزل کی قیمت میں  5 پیسے فی لیٹر اضافے کردیا جبکہ مٹی کے تیل کی قیمت 11 روپے 88 پیسے کمی کردی ہے۔

حکومت کا پٹرولیم مصنوعات کی قیمتوں میں رد و بدل کا فیصلہ

وزارت خزانہ کی جانب سے بیان میں مزید کہا گیا کہ لائٹ ڈیزل کی قیمت میں  9روپے 37 پیسے کمی کردی اور نئی قیمتوں کا اطلاق آج رات 12 بجے سے ہو گا

واضح رہے اس سے قبل پٹرولیم ڈویژن ذرائع کے مطابق پیٹرول کی قیمت میں 7 روپے 6 پیسے فی لیٹرکمی جبکہ ڈیزل کی قیمت میں 5 پیسے فی لیٹر اضافے کا عندیہ دیا تھا۔

اس کے علاوہ مٹی کے تیل کی قیمت 11 روپے 88 پیسے اورلائٹ ڈیزل کی قیمت میں 9روپے 37 پیسے کمی کا عندیہ دیا گیا تھا۔

ذرائع کے مطابق حتمی منظوری کے بعد نئی قیمتوں کا اطلاق یکم جون سے ہو گا۔

دوسری جانب اوگرا نے پٹرولیم منصوعات کی قیمتوں میں کمی کی سفارش کی تھی ۔