مشیر خزانہ حفیظ شیخ کی زیر صدارت ای سی سی کا خصوصی اجلاس ہوا جس میں 200 ارب روپے کے اسلامی سکوک بانڈ کی تقسیم کے معاملہ پر غور لایا گیا۔

ای سی سی اجلاس کا اعلامیہ جاری کردیا گیا ہے، اعلامیہ کے مطابق اجلاس میں 200 ارب روپے کے اسلامی سکوک بانڈ کی تقسیم کا طریقہ کار طے کرلیا گیا ہے۔

خصوصی اجلاس سکوک بانڈز کی تقسیم کے طریقہ کار کو واضع کے لئے بلایا گیا تھا جبکہ آئندہ تین ماہ تک انرجی سپلائیز اور قرضوں کی ادائیگیوں کو جاری رکھنے کا فیصلہ بھی کیا گیا ہے۔

اعلامیے کے مطابق آئندہ تین ماہ میں ٹیکسوں ضروریات پوری کرنا بھی اصول ہوگا۔

دوسری جانب ای سی سی اجلاس میں وزارت انرجی کو بانڈز کی تقسیم سے متعلق آئندہ 2 ہفتوں میں تفصیلی فارمولا پیش کرنے کی ہدایت دی گئی ہے اور ساتھ ہی ساتھاجلاس میں گلگت بلتستان اور آزاد کشمیر کیلئے 66 کروڑ سے زائد کی منظوری بھی دی گئی ہے۔

ای سی سی اجلاس کے فیصلے کے مطابق یہ رقم گلگت بلتستان اور آزاد کشمیر کے ایس ایم ایز پیکیج کے تحت بجلی صارفین کیلئے ہوگی۔