حکومت  سندھ نے 29 مئی تک پبلک ٹرانسپورٹ چلانےکی اجازت دینے کی یقین دہانی کرادی۔

حکومت  سندھ کے تین وزراء کا آل کراچی ٹرانسپورٹ اتحاد کے صدر ارشاد بخاری سے ٹیلیفونک رابطہ ہوا جس میں تینوں  وزراء نے 29 مئی تک پبلک ٹرانسپورٹ چلانےکی اجازت دینے کی یقین دہانی کرائی۔

ارشاد بخاری نے وزیر ٹرانسپورٹ اویس قادر شاہ ناصر حسین شاہ اور سعید غنی سے  بات چیت کرتے ہوئے کہا کہ مسلسل 60 روزسےزائد کا وقت گزرگیا ٹرانسپورٹ کا پہیہ چلایا جائے

صدر ارشاد بخارینے کہا کہ نوبت فاقوں تک آ چکی ہے اور ٹرانسپورٹرز  و ٹرانسپورٹ ورکرز حکومت سندھ کے فیصلے کے منتظر ہیں۔

آل کراچی ٹرانسپورٹ اتحاد کے صدر ارشاد بخاری نے مزید کہا کہ کراچی ٹرانسپورٹ اتحاد نے 28 مئ کا ہنگامی اجلاس موخر کردیا ، کراچی ٹرانسپورٹ اتحاد کا اجلاس اب 30 مئ کو ہوگا۔

31مئی سے ٹرانسپورٹ چلانے کا اعلان

دوسری جانب بلوچستان کے ٹرانسپورٹروں نے ٹرانسپورٹ کھولنے کے لئے 30 مئی کی ڈیڈلائن دے دی ہے۔

ٹرانسپورٹرز کا کہنا ہے کہ 31 مئی کو بلوچستان بھر میں ٹرانسپورٹ چلا دیں گے، اگر گاڑی روکنے کی کوشش کی گئی تو غیر معینہ مدت تک روڈ بلاک کریں گے۔

صوبہ اور ملک بھر میں چھوٹی گاڑیاں چل رہی ہیں جبکہ ہمارے لئے پابندی ہے، دوماہ گزرگئے بلوچستان کی ٹرانسپورٹ کو بند کردیا گیا ہے۔

حکومت کی طرف سے ٹرانسپورٹروں کے لئے کوئی ریلیف کا اعلان نہ ہوسکا۔