کورونا وائرس کی وجہ سے حکومت نے پراپرٹئی ٹیکس معاف کرنے کا فیصلہ کرلیا ہے۔

تفصیلات کے مطابق حکومت کی جانب سے پراپرٹی ٹیکس میں معافی سے 8 لاکھ پراپرٹی مالکان مستفید ہوئے ہیں۔

پراپرٹی مالکان کا صرف رواں سال کا ٹیکس معاف کیا گیا ہے جبکہ پچھلے سالوں کا ٹیکس وصول کیا جائے گا۔

کورونا وائرس کی وجہ سے لاک ڈاون کے دوران پنجاب حکومت نے صوبہ بھر میں پراپرٹی ٹیکس ادا نہ کرنے والوں کیلئے معافی کا اعلان کیا تھا۔

اسی حوالے سے محکمہ ایکسائز نے 8 لاکھ ٹیکس ادا نہ کرنے والوں کی فہرستیں تیار کرلیں ہیں جو کہ اس فیصلہ سے مستفید ہوئے ہیں۔

پنجاب بھر میں ٹوٹل 20 لاکھ پراپرٹی یونٹس ہیں جن کے مالکان سے ٹیکس وصول کیا جاتا تھا۔

ایکسائزنے 12 لاکھ کے قریب مالکان سے ٹیکس وصول کرلیا تھا اور ہدف میں سے ٹیکس کا ستر فیصد حاصل کرلیا تھا جبکہ ٹیکس معافی سے محکمے کو تین ارب سے زائد کا نقصان ہوگا۔

گزشتہ سالوں کے نا دہندگان کو ٹیکس ادا کرنا پڑے گا اس میں معافی نہیں دی گئی صرف رواں سال کا نوٹیفکیشن جاری کیا گیا ہے ۔