ملک بھرمیں فی تولہ سونے کی قیمت میں 300 روپے ہوشربا اضافہ ہوگیا ہے۔

تفصیلات کے مطابق چئیرمین جیولرز ایسوسی ایشن محمد ارشد نے اپنے ایک بیان میں کہا کہ پاکستان میں سونے کی قیمت میں ہوشربا اضافہ کے بعد فی تولہ قیمت 300 روپے اضافے سے 98 ہزار 400 روپے کا ہوگیا جبکہ دس گرام سونا 257 روپے مہنگا ہوکر 84 ہزار 362 روپے کا ہوگیا ہے ۔

چئیرمین جیولرز ایسوسی ایشن محمد ارشد نے مزید کہا کہ عالمی مارکیٹ میں فی اونس سونے کے نرخ 7 ڈالر اضافے سے 1740 ڈالر کی سطح پر آگئی ہے۔

سونے کی قیمت میں ایک بار پھر اضافہ

ذرائع کے مطابق عالمی اور مقامی مارکیٹ میں سونے کی قیمت میں مسلسل اضافہ ہورہا ہے، گزشتہ تین روز کے دوران فی تولہ سونا 1200 روپے اور فی اونس 14 ڈالر مہنگا ہوگیا جبکہ عید الفطر کے بعد سے فی تولہ سونا 1800 روپے اور فی اونس 16 ڈالر اوپر چلا گیا۔