وزیراعظم عمران خان کی جانب سے اقتصادی رابطہ کمیٹی کے فیصلوں کی توثیق نہیں کی گئی ہے۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس ہوا جس میں ای سی سی کے فیصلوں  کو مؤخر کر دیا گیا ہے۔

 یاد رہے کہ ای سی سی کے فیصلے کے مطابق  اسٹیل  مل کے 9350 ملازمین  کو فارغ کرنا  تھا جس پر وفاقی کابینہ نے طویل غور کے بعد ای سی سی کے فیصلوں کی منظوری نہ دینے کا فیصلہ کیا گیا ہے۔

ای سی سی کی جانب سے 3 جون کو اسٹیل مل ملازمین کو گولڈن  ہینڈ شیک کے تحت فارغ کرنے کا فیصلہ کیا گیا تھا۔

خیال رہے کہ وفاقی کابینہ کے اجلاس میں اسٹیل ملز ملازمین کو نکالنے سے متعلق وزیراعظم کو تفصیلی بریفنگ دی گئی تھی جس کے بعد ای سی سی کے فیصلوں کو موخر کردیا گیا ہے۔