مشیر خزانہ عبدالحفیظ شیخ نے کہا ہے کہ حکومت کاروبار میں سہولیات اور ترقی کو بڑھانا چاہتی ہے۔

تفصیلات کے مطابق مشیر خزانہ عبدالحفیظ شیخ نے اپٹما اور آئی پی پیز کے وفود سے  گفتگو کرتے ہوئے کہا کہ حکومت تجارت پر کورونا وائرس کے اثرات کی وجہ سے معیشت کو درپیش مشکلات سے آگاہ ہے۔

 اس موقع پر مشیر خزانہ نے اجلاس کے شرکا کو ان کے حقیقت پسندانہ مسائل کے حل کیلئے حمایت کی یقین دلایا جبکہ مشیر خزانہ نے ہدایت دی کہ ایف بی آر ٹیکس ریفنڈز کی واپسی کی ادائیگی میں تیزی لائے۔

عبدالحفیظ شیخ نے کہا کہ معیشت کی ترقی کیلئے 1200 ارب روپے کے پیکج کے اعلان سمیت ہر ممکن اقدامات لئے جارہے ہیں، کم ٹیکس اور ترقی کے لئے زیادہ ترغیبات کی شکل میں حکومت کی کاروباری ماحول فراہم کرے گی۔۔

مشیر خزانہ عبدالحفیظ شیخ نے مزید کہا کہ دیگر امور کو حل کرنے کے لئے کاروباری تنظیموں کے ساتھ مل کر کام کرے، کاروباری ماحول میں آسانی پیدا کرنے اور کاروباری اداروں کو فعال کیا جائے گا۔

واضح رہے اس سے قبل وزیرِاعظم عمران خان کی زیر صدارت آئندہ مالی سال کے مجوزہ بجٹ کےحوالے سے اعلیٰ سطحی اجلاس ہوا جس میں مشیر خزانہ ڈاکٹر عبدالحفیظ شیخ کی رواں مالی سال کے محصولات، اخراجات  اور آئندہ بجٹ کے تخمینوں کا خاکہ پیش کیا۔

اجلاس میں مشیر خزانہ نے آئندہ مالی سال کے لئے بجٹ کی ترجیحات   پر بھی وزیرِ اعظم کو تفصیلی طور پر بریف کیا اور وزیرِ اعظم کو ایف بی آر  میں اصلاحات کے حوالے سے اب تک کی پیش رفت پر بھی بریفنگ دی گئی۔

وزیرِ اعظم نے کہا تھا کہ صنعتی عمل کا فروغ اور کاروباری برادری کو ہر ممکن آسانیاں فراہم کرنا موجودہ حکومت کی اولین ترجیح ہے۔

عمران خان نے یہ بھی کہا تھا کہ آئندہ بجٹ میں غیر ترقیاتی اخراجات میں کمی لانے  پر بھی خصوصی توجہ دی جائے جبکہ عوام پر پڑنے والے  غیر ضروری حکومتی اخراجات کا بوجھ کم کرنے  پر خصوصی توجہ دی جائے۔