شرح سود میں کمی سے ڈالر سستا ہوا اور اب فی تولہ سونا بھی 2300 روپے سستا ہوگیا ہے۔

تفصیلات کے مطابق فی تولہ سونا 2300 روپے کمی سے 1 لاکھ 2 ہزار 800 روپے کا ہوگیا ہے جبکہ دس گرام سونا 1972 روپے کمی کے بعد 88 ہزار 134 روپے کا ہوگیا ہے۔

دوسری جانب عالمی صرافہ مارکیٹ میں فی اونس سونا 15 ڈالرز کمی سے 1762 ڈالرز کی سطح پر آگیا ہے۔

واضح رہے کہ آج شرح سود 2 سال کی کم ترین سطح پر آگئی ہے۔

اسٹیٹ بینک آف پاکستان نے چار مہینوں میں تیسرا ہنگامی اجلاس طلب کیا، جس میں شرح سود میں مزید 1 فی صد کی کمی کردی گئی۔

مارچ سے اب تک شرح سود میں 6 اعشاریہ 25 فی صد کی کمی کی گئی ہے۔

شرح سود میں کمی سے حکومتی قرضوں میں 2100 ارب روپے کی کمی ہوگئی ہے۔

شرح سود اس وقت 7 فیصد پر آگئی ہے۔