سوئی ناردرن گیس نے پنجاب بھر میں سی این جی اسٹیشنز کو گیس سپلائی کرنے کا اعلان کیا ہے۔

تفصیلات کے مطابق سوئی ناردرن گیس کمپنی کے ترجمان نے اپنے بیان میں کہا کہ پنجاب بھر میں سی این جی اسٹیشنز کو گیس سپلائی اتوار کو بحال کردی جائے گی۔

ترجمان سوئی ناردرن نے مزید کہا کہ گیس پریشر میں کمی کے باعث پنجاب میں سی این جی سیکٹر کو آج بروز ہفتہ گیس سپلائی بند کردی گئی تھی

یاد رہے اس سے قبل گزشتہ روز بھی سندھ بھر میں سی این جی اسٹیشنز کو گیس کی سپلائی کی گئی تھی۔

کراچی سمیت سندھ بھر میں 640 سی این جی اسٹیشنز کو گیس کی سپلائی بحال ہو گئی، مجموعی طور پر گیس کی سپلائی 48 گھنٹوں بعد کی گئی۔

ذرائع کے مطابق کیپٹیو پاور اور انڈسٹریل سیکٹر کے لیے گیس کی سپلائی تاحال بحال نہیں ہو سکی وفاقی حکومت نے صنعتکاروں کو جلد مسائل کے حل کی یقین دہانی کرا دی۔

سی این جی اسٹیشنز کو گیس کی سپلائی 48 گھنٹے بعد بحال

دوسری جانب سی این جی اسٹیشنز پر کام کرنے والے افراد کا کہنا تھا کہ ایک دن اسٹیشن کی بندش سے نہ صرف کام بند ہو جاتا ہے بلکہ ان کی تنخواہ میں کٹوتی بھی ہو جاتی ہے۔

واضح رہے کہ گزشتہ روز وزیر اعظم عمران خان نے معاشی تھنک ٹینک کے اجلاس کی صدارت کرتے ہوئے کہا کہ مشکل وقت میں معیشت کو بہتر بنانے کیلئے غیر معمولی فیصلے کرنے ہوں گے۔