وفاقی وزیر برائے منصوبہ بندی اسد عمر نے ہدایات جاری کی ہیں کہ پراجیکٹ مانیٹرنگ اور ایوالیوشن سسٹم کو فعال بنایا جائے۔

وفاقی وزیر کا اس ضمن میں کہنا تھا کہ منصوبوں پر پیش رفت کا رئیل ٹائم اپ ڈیٹ حاصل کی جائے اور فیصلہ سازی کیلئے درکار بروقت ڈیٹا حاصل کیا جائے۔

انہوں نے کہا کہ اس مقصد کیلئے ایڈوائزری کمیٹی کی مشاورت سے جدید اور پروفیشنل نظام تشکیل دیا جائے۔

انہوں نے آگاہ کیا کہ وزیراعظم کی ہدایت پر پی ایس ڈی پی کا جائزہ لیا گیا تھا اور جائزے کے بعد سامنے آنے والے حقائق اور سفارشات پر عمل لازم ہے اس لئے وزارت کو اپنا مانیٹرنگ میکنزم نئے سرے سے ترتیب دینا ہوگا، سسٹم کو مزید فعال بھی کرنا ہوگا۔

اسد عمر نے بتایا کہ پلاننگ کمیشن کی ایڈوائزری کمیٹی کے اراکین سے بھی اس ضمن میں مشاورت جاری ہے۔

یاد رہے کہ منصوبہ بندی اور خصوصی اقدامات کی وزارت کا منصوبوں کی مانیٹرنگ اور جائزہ کے ضمن میں اجلاس ہوا جس میں وفاقی وزیر ادس عمر نے یہ تمام باتیں کہیں ہیں۔

اجلاس وزیر منصوبہ بندی و ترقی اسد عمر کی زیر صدارت ہوا ہے اس ضمن میں وزارت کی جانب سے اعلامیہ بھی جاری کردیا گیا ہے۔

اجلاس میں سی ای حبکو خالد منصور اور چیئرمین پاکستان سافٹ ویئر ہاؤس ایسوسی ایشن نے شرکت کی۔