مشیر خزانہ عبدالخفیظ شیخ نے کہا ہے کہ حکومت کی جانب سے لوگوں کو آسان اقساط پر قرضے فراہم کرنے کا فیصلہ کیا گیا ہے۔

تفصیلات کے مطابق وزیراعظم کی زیر صدارت معاشی و اقتصادی تھنک ٹینک کا اجلاس ہوا، مشیر خزانہ عبدالحفیظ شیخ کی جانب سے اجلاس کے بعد گفتگو کی گئی۔

مشیر خزانہ نے کہا ہے کہ تعمیراتی شعبے میں لوگوں کو مراعات دینے کے فیصلے کو عملی جامہ پہنایا جائے گا اور اس کے ساتھ ہی دیگر سبسڈیز کو بہتر بنانے کا فیصلہ کیا گیا ہے۔

انہوں نے بتایا ہے کہ وزیراعظم نے ضرورت مندوں تک ان کا حق پہنچانے کی ہدایت کی ہے۔

انہوں نے واضح کیا ہے کہ تھنک ٹینک کا مقصد مختلف شعبوں کے ماہرین سے مل کر معیشیت میں بہتری کے اقدامات کرنا ہیں۔