مشیر تجارت عبدالرزاق داؤد نے ٹیرف پالیسی بورڈ اور ٹیرف کمیشن کو ابتدائی طور پر ٹیکسٹائل، فارماسیوٹیکل، انجینئرنگ، آئرن و اسٹیل، کیمیکل سیکٹر کیلئے تین سالہ روڈ میپ تیاری کرنے کی ہدایت کردی ہے۔

مشیر تجارت عبدالرزاق داؤد کی زیر صدارت وزارت تجارت میں اجلاس ہوا، اجلاس میں مشیر تجارت نے کہا ہے کہ ایکسپورٹ پر مبنی انڈسٹریلائزیشن کیلئے ٹیرف ریشنلائزیشن ضروری ہے اور ٹیرف پر تین سالہ حکمت عملی کیلئے آئندہ ماہ سے اسٹیک ہولڈرز کیساتھ اجلاس کریں گے۔

انہوں نے 2020-21 کے بجٹ میں نیشنل ٹیرف پالیسی کے نفاذ اور 2 ہزار سے زائد خام مال پر ڈیوٹی کم کرنے پر  ٹیرف پالیسی بورڈ و دیگر کو سراہا ہے۔

مشیر تجارت نے ٹیرف پالیسی بورڈاورٹیرف کمیشن کو ابتدائی طور پر ٹیکسٹائل، فارماسیوٹیکل، انجینئرنگ، آئرن و سٹیل، کیمیکل سیکٹر کیلئے تین سالہ روڈ میپ تیاری کرنے کی ہدایت کردی ہے۔

اعلامیے کے مطابق نیشنل ٹیرف کمیشن ان سیکٹرز کیلئے تین سالہ روڈ میپ تیاری کیلئے اسٹڈی کریگی۔