سونے کی قیمت میں ایک بار پھر اضافہ ہوگیا ہے۔

تفصیلات کے مطابق سونا ملک کی تاریخ کی بلند ترین سطح پر پہنچ گیا ہے، فی تولی سونا 50 روپے اضافے سے ایک لاکھ 9 ہزار تین سو پچاس روپے کا ہوگیا ہے جبکہ دس گرام سونا 43 روپے کے اضافے سے 93750 روپے کا ہوگیا ہے۔

دوسری جانب عالمی مارکیٹ میں سونا 2 ڈالر اضافے سے 1806 ڈالر فی اونس کا ہوگیا ہے۔

قیمتوں میں اضافے کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونےکی فی تولہ قیمت ملکی تاریخ کی بلند ترین سطح ایک لاکھ 9 ہزار تین سو پچاس روپے ہوگئی ہے جبکہ دس گرام سونے کی قیمت بڑھ کر 93 ہزار 750 روپے کی سطح پر آگئی ہے۔

واضح رہے کہ آج ڈالر کی قیمت میں بھی ایک بار پھر اضافہ ہوگیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق ڈالر کی قیمت میں 32 پیسے کا اضافہ ہوا ہے۔

فاریکس ڈیلرز کے مطابق انٹربینک میں ڈالر 166.67 سے بڑھ کر 166.99 روپے پر بند ہوا ہے۔