ملک میں سونے کی قیمت ناقابل یقین اضافے سے ملکی تاریخ کی بلند ترین سطح پر پہنچ گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 2300 روپے اضافہ کے بعد  1 لاکھ17 ہزار300 روپے ہوگئی ہے جبکہ 10 گرام سونے کی قیمت 1972 روپے اضافہ کے بعد پہلی دفعہ 1لاکھ 566 روپے ہوگئی ہے۔

سونا غریب آدمی کی پہنچ سے دور ہوگیا

عالمی مارکیٹ میں سونا 26 ڈالر اضافہ کے بعد 1882 ڈالر فی اونس کا ہوگیا ہے۔

واضح رہے گزشتہ روزفی تولی سونا 1500 روپے اضافے سے ایک لاکھ 15 ہزار روپے  کی نئی بلند سطح پر پہنچ گیا تھا جبکہ علاوہ دس گرام سونا 1286 روپے اضافے سے 98  ہزار 594 روپے کا ہوگیا تھا۔