سونے کی قیمت میں ایک بار پھر اضافہ ہوگیا ہے۔

تفصیلات کے مطابق سونے کی فی تولہ قیمت 1000 روپے اضافے کے بعد 1 لاکھ 5 ہزار 900 روپے کی بلند ترین سطح پر پہنچ گئی ہے۔

بین الاقوامی بلین مارکیٹ میں سونے کی فی اونس قیمت 1776 ڈالر کی سطح پر مستحکم رہی، لیکن پاکستان میں سونے کی نئی قیمت نے ملکی تاریخ کے تمام سابقہ ریکارڈ توڑدیئے ہیں۔

ڈالر کی قیمت میں مزید اضافہ

قیمتوں میں اضافے کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونےکی فی تولہ قیمت ملکی تاریخ کی بلند ترین سطح 1 لاکھ 5 ہزار 900 روپے ہوگئی ہے جبکہ دس گرام سونے کی قیمت بڑھ کر 90 ہزار 792 روپے کی سطح پر آگئی۔

واضح رہے کہ آج ڈالر کی قیمت میں بھی ایک بار پھر اضافہ ہوگیا ہے۔

اسٹیٹ بینک آف پاکستان کی جانب سے جاری کردہ اعلامیہ کے مطابق انٹربینک میں ڈالر 23 پیسے مہنگا ہوگیا ہے۔

فاریکس ڈیلرز کے مطابق انٹربینک میں ڈالر 166.72 سے بڑھ کر 166.95 روپے پر بند ہوا ہے۔