اسٹیٹ بینک آف پاکستان کا کہنا ہے کہ رواں سال ماہ جولائی میں قومی کرنٹ اکاؤنٹ میں بہتری دیکھنے میں آئی ہے۔

تفصیلات کے  مطابق اسٹیٹ بینک آف پاکستان کی جانب سے ایک رپورٹ جاری کی گئی ہے جس میں بتایا گیا ہے کہ جولائی 2020 میں جاری کھاتہ خسارے سے پاک رہا ہے جبکہ جولائی میں کرنٹ اکاؤنٹ بیلنس 42 کروڑ 40 لاکھ ڈالر سرپلس رہا ہے۔

1/3 Pakistan’s current account balance swung into a surplus of $424 mn in July 2020 after posting a deficit of $100 mn in June. For details: https://www.bolnews.com/urdu/business/2020/08/759864/amp/

— SBP (@StateBank_Pak) August 24, 2020

اس ضمن میں اسٹیٹ بینک کا کہنا ہے کہ کرنٹ اکائونٹ بیلنس میں بہتری برآمدات اور ترسیلات میں اضافہ کا نتیجہ ہے کیونکہ جولائی میں برآمدات  کی شرح نمو 19.7 فیصد رہی ہے۔

اسٹیٹ بینک کی رپورٹ میں بتایا گیا ہے کہ جون 2020 میں کرنٹ اکاؤنٹ کو 10 کروڑ ڈالر خسارے کا سامنا تھا۔

مزید پڑھیں

پاکستان اسٹاک ایکسچینج میں کاروبار کا مثبت آغاز

پاکستان اسٹاک ایکسچینج میں کاروبار کا مثبت آغاز ہوا ہے جس کے...

رپورٹ میں بتایا گیا ہے کہ گزشتہ سال جولائی میں کرنٹ اکاؤنٹ خسارہ 61 کروڑ 30 لاکھ ڈالر تھا جبکہ گزشتہ سال اکتوبر سے اب تک چار مہینوں میں کرنٹ اکاؤنٹ بیلنس فاضل رہا ہے۔

مزید پڑھیں

ڈالر کی قیمت میں اضافہ

آج دن کے آغاز پر انٹر بینک میں ڈالر کی قدر میں...

بمطابق رپورٹس اسٹیٹ بینک اور وفاقی حکومت کے پالیسی اور انتظامی اقدامات نے بھی جاری کھاتے کو بہتر بنانے میں سپورٹ فراہم کی ہے۔