پٹرول سے متعلق انتہائی اہم خبر سامنے آگئی جس کے تحت یکم ستمبر سے پیٹرولیم مصنوعات کی قیمتیں 15 روز کیلئے مقرر کرنے کا فیصلہ کر لیا گیا ہے۔

پیٹرولیم مصنوعات کی قیمتیں 15 روز کیلئے مقرر کرنے کا فیصلہ کرتے ہوئے پٹرولیم ڈویژن نے اوگرا,آئل کمپنیز ایڈوائزری کونسل کو گائیڈ لائنز جاری کردیں۔

پٹرولیم ڈویژن کی جانب سے جاری کردہ دستاویز میں کہا گیا ہے کہ یکم ستمبر 2020 سے ہر 15 روز بعد قیمتوں کا تعین ہوگا جبکہ پیٹرول،ڈیزل کی قیمتوں کا تعین نئی پالیسی کے تحت کیا جائے گا۔

 دستاویز میں کہا گیا ہے کہ دیگر پٹرولیم مصنوعات کی قیمتوں کا تعین موجودہ طریقہ کار کے تحت ہوگا جبکہ پیٹرول،ڈیزل کی قیمت کا تعین خام تیل کی 14 روز کی قیمت کی اوسط نکال کر کیا جائے گا۔

مزید پڑھیں

کراچی: ایک ماہ میں 36 افراد قتل، سی پی ایل سی نے ہوشربا رپورٹ جاری کردی

کراچی میں مارچ کے مہینے میں 36 افراد قتل اور ایک بینک...

آئندہ ماہ سے پیٹرولیم مصنوعات کی قیمتوں میں زبردست کمی کا امکان

آئندہ ماہ سے پیٹرولیم مصنوعات کی قیمتوں میں زبردست کمی کا امکان...

دستاویز میں یہ بھی کہا گیا ہے کہ پی ایس پیٹرول کی خریداری کیلئے طویل مدتی معاہدے کرے گا جبکہ پیٹرول ،ڈیزل پر ٹیکسوں,لیویز کے ریٹس مروجہ شرح کے مطابق ہوں گے۔

دستاویز کے مطابق تیل کی درآمد کے اخراجات کا تعین ہونےکے بعد آئندہ 15 روز میں شامل کیا جاسکے گا اور ڈالر کی قدر کا تعین پی ایس او کیلئے دستیاب عبوری قیمت کے مطابق ہی کیاجائے گا۔

پٹرولیم ڈویژن کی جانب سے جاری کردہ دستاویز میں مزید کہا گیا ہے کہ پی ایس او کے تیل درآمد کے اخراجات دستیاب نہ ہونے پر سابقہ ماہ کے ریٹس پر ہی قیمت کا تعین ہوگا۔