ایشیائی ترقیاتی بینک نے پاکستان کی معاشی ترقی کی شرح منفی 0.4 فیصد سے بہتر ہوکر 2 فیصد  ہونے کی پیشگوئی کردی۔

ایشیائی ترقیاتی بینک کی جاری رپورٹ میں کہا گیا ہے کہ حکومت پاکستان نے کورونا وباء سے متاثر معاشی سرگرمیوں کے فروغ کے لیے 1240 ارب روپے کا ریلیف پیکج دیا۔

رپورٹ میں کہا گیا کہ حکومتی پیکج سے معاشی سرگرمیوں میں بہتری کی توقع ہے۔

رپورٹ کے مطابق 2021 کے دوران پاکستان میں مہنگائی 7.5 فیصد تک رہنے کا امکان ہے۔

ٹڈی دل کے حملوں کے باوجود زرعی شعبے کی پیداوار 2.7 فیصد رہی جبکہ درآمدات میں کمی کے باعث پاکستان کا کرنٹ اکاؤنٹ خسارہ بھی کم ہوا۔