اقتصادی رابطہ کمیٹی نے ملکی ضرورت کے مطابق گندم کی درآمد کی اجازت  دے دی۔

تفصیلات کے مطابق  مشیرخزانہ ڈاکٹر عبدالحفیظ شیخ کی زیرصدارت ہونے والا اقتصادی رابطہ کمیٹی کااجلاس ختم ہوگیا۔

اجلاس میں گندم کی درآمد کےحوالے سےامورپرتبادلہ خیال کیا گیا ۔

مشیرخزانہ عبدالحفیظ شیخ کا کہنا تھا کہ  گندم کی دستیابی انتہائی اہم معاملہ ہے۔ گندم کےمناسب ذخائربرقراررکھنےکی ضرورت ہے۔

عبدالحفیظ شیخ نے کہا کہ  گندم کی ملک بھرمیں مناسب قیمت پردستیابی یقینی بنائی جائے۔

اجلاس میں ٹی سی پی کےذریعےگندم کی درآمدشروع کرنےکافیصلہ کیا گیا۔ ضروریات کےمطابق وقتاً فوقتاً ٹینڈرزکےذریعےگندم درآمدکی جائےگی۔