شہباز شریف کی گرفتاری کے بعد پاکستان اسٹاک مارکیٹ میں شدید مندی کا رجحان دیکھا گیا ہے،  ٹریڈنگ کے دوران مارکیٹ ایک ہزار سینتیس پوائنٹس گر گئی ۔

تفصیلات کے مطابق کاروباری ہفتے کے پہلے روز سیاسی کشمکش اور گرفتاریوں کے سبب مارکیٹ میں شدید مندی دیکھی گئی 100 انڈیکس میں 960 پوائنٹس کی گراوٹ آئی جس کے بعد انڈیکس میں 41 ہزار کی نفسیاتی حد گر  گئی۔

پاکستان اسٹاک ایکسچینج میں پہلے ہی روز انڈیکس 41700  سے گر کر 40740 کی سطح پر بند ہوا ہے۔

یاد رہے کہ آج نیب حکام کی جانب سے ملزم شہباز شریف کو کمرہ عدالت میں حراست میں لے لیا گیا ہے۔

جسٹس سردار احمد نعیم اور جسٹس فاروق حیدر پر مشتمل بنچ نے شہباز شریف کی عبوری ضمانت پر تفصیلی دلائل سننے کے بعد فیصلہ سنایا۔