چینی کی قیمت 100 روپے پہنچنے کے بعد درآمد کرلی گئی ہے۔

تفصیلات کے مطابق چیئرمین سیریل ایسوسی ایشن آف پاکستان نے بتایا ہے کہ پاکستان کی جانب سے چینی کی درآمد شروع ہوگئی ہے جبکہ چینی کی درآمد سے قیمت میں5 روپے فی کلو کمی کا امکان ظہار کیا گیا ہے۔

 اس ضمن میں نجی شعبے کی جانب سے 2 لاکھ میٹرک ٹن چینی کی درآمد کے معاہدے کر لئے گئے ہیں جبکہ حکومت نے نجی شعبے کو ڈیوٹی فری چینی درآمد کرنے کی اجازت دی ہے۔

ایک لاکھ ٹن چینی ٹی سی پی کے ذریعے درآمد کی جارہی ہے جبکہ چینی دبئی سے درآمد کی جا رہی ہے۔

خیال رہے کہ پہلا جہاز 500 ٹن چینی لیکر پاکستان پہنچ چکا ہے۔