معاون خصوصی برائے پیٹرولیم ندیم بابر کا کہنا ہے کہ توانائی کی مسلسل اورمستحکم قیمت پر فراہمی کو یقینی بنانا حکومت کی پالیسی ہے۔

تفصیلات کے مطابق  معاون خصوصی برائے پیٹرولیم ندیم بابرکی زیر صدارت پیٹرولیم ڈویژن میں زیر زمین گیس ذخیرہ کرنے  کے لیے سہولت کی تعمیر سے متعلق اجلاس ہوا۔

اسٹریٹجک انڈر گراؤنڈ اسٹوریج (ایس یو جی ایس) کی تعمیر کی وضاحت کرتے ہوئے  معاون خصوصی نے کہا کہ اسٹریٹجک زیر زمین گیس ذخیرہ کی تعمیر سے ملک میں توانائی کی مسلسل اورمستحکم قیمت پر فراہمی کو یقینی بنانا حکومت کی پالیسی ہے۔

ندیم بابر نے کہا کہ   پاکستان نے موسم سرما میں بڑھتی ہوئی طلب سپلائی میں خلل پڑنے سے متعلق گیس کے ہنگامی ذخیرے کی تعمیر پر غورکیا  ہے۔

اجلاس میں زیرزمین گیس ذخیرہ اندوز کرنے کے طریقہ کار سے متعلق رپورٹ کو تیزی سے مئی 2021 تک مکمل کرنے پر اتفاق کیا گیا۔