ملک میں بڑھتی مہنگائی نے کپاس کو بھی اپنی لپیٹ میں لے لیا۔

تفصیلات کے مطابق ملک بھر میں ہونے والے مہنگائی کپاس پر بھی اثر انداز ہونے لگی ہے جس سے کپاس کی قیمت 10 سال کی بلند ترین سطح پر پہنچ گئی ہے۔

روئی کی قیمت میں مسلسل اضافے سے قیمت نئی بلند ترین سطح 10ہزار 500 روپے فی من تک پہنچ  گئی  ہے۔*

چیئرمین کاٹن جنرز فورم احسان الحق کا کہنا ہے کہ  رواں سال ملک میں کپاس کی مجموعی پیداوار 30 سال کی کم ترین سطح تک رہنےکاامکان ہے۔

احسان الحق کا کہنا ہے کہ  سال2020 اور 2021 کے دوران کپاس کی پیداوار 65 لاکھ بیلز ہونےکا امکان ہے جسے کے باعث   ٹیکسٹائل ملز کو 50 لاکھ بیلز درآمد کرنا پڑیں گی۔

واضح رہے کہ   کپاس کی پیداوار میں غیر معمولی کمی کی بڑی وجوہات میں ماحولیاتی اور موسمیاتی تبدیلیاں  شامل ہیں۔