یکم نومبر سے پٹرولیم مصنوعات کی قیمتوں میں 2 روپے فی لیٹر تک کمی کا امکان ہے۔

تفصیلات کے مطابق  آئل اینڈ گیس ریگولیٹری اتھارٹی ( اوگرا ) نے پٹرولیم مصنوعات کی قیمتوں میں کمی کی سمری حکومت کو بھجوا دی ہے۔

سمری میں پٹرول 1 روپے 50 پیسے فی لیٹر سستا کرنے کی سفارش کی گئی ہے جبکہ  ہائی اسپیڈ ڈیزل کی قیمت میں 2 روپے فی لیٹر تک کمی کی تجویز دی گئی ہے۔

اوگرا حکام کا کہنا ہے کہ  پٹرولیم لیوی کی شرح بڑھا کرقیمتیں برقراربھی رکھی جاسکتی ہیں۔

وزیر اعظم عمران خان کی منظوری کے بعد نئی قیمتوں کا اعلان ہو گا۔

وزارت خزانہ پٹرولیم مصنوعات کی قیمتوں سےمتعلق اعلان آج کرے گی۔ نئی قیمتوں کا تعین 15 روز  کے لیے کیا جائے گا۔