وفاق اور سندھ حکومت کے درمیان لوکل ٹرینوں کے ٹرائل رنز شروع کرنے اور جدید سرکلر ریلوے نظام  بنانے کے منصوبے پر اتفاق کیا گیا ہے۔

تفصیلات کے مطابق وفاقی وزیر منصوبہ بندی اسد عمر اور وزیراعلیٰ سندھ مراد علی شاہ  کے مابین ہونے والی ملاقات میں کراچی سرکلر ریلوے کے حوالے سے فیصلے کئے گئے ہیں۔

وفاقی اور سندھ حکومتوں نے اگلے دو ماہ کے دوران 12 کلو میٹر کے فاصلے پر کراچی میں لوکل ٹرینوں کے ٹرائل رنز شروع کرنے اور اس کے بعد اگلے مرحلے میں جدید سرکلر ریلوے نظام کے ساتھ ہم آہنگی بنانے کے منصوبے پر اتفاق کیا ہے۔

اس موقع پر وفاقی وزیر اسد عمر نے خطاب کرتے ہوئے کہا کہ کراچی سرکلر ریلوے منصوبے کو جلد سے جلد شروع کرنے کے لئے وفاقی حکومت سنجیدہ ہے۔

وفاقی وزیر اور وزیراعلیٰ سندھ نے اگلے چند مہینوں میں لوکل ٹرینوں کو شروع کرنے کے طریقہ کار پر بھی تبادلہ خیال کیا ہے۔