وفاقی کابینہ کی جانب سے 12 سال بعد نئے سی این جی اسٹیشنز لگانے کیلئے لائسنسز جاری کرنے کی منظوری دیدی گئی ہے۔

تفصیلات کے مطابق آل پاکستان سی این جی ایسوسی ایشن کے سینئر رہنما غیاث پراچہ نے کہا ہے کہ وفاقی کابینہ کی جانب سے 12 سال بعد نئے سی این جی اسٹیشنز لگانے کیلئے لائسنسز جاری کرنے کی منظوری حکومت کا ایک بہت ہی مثبت اقدام ہے۔

غیاث پراچہ نے کہا ہے کہ اس اقدام پر حکومت کے بہت شکر گزار ہیں کیونکہ اس سے  سی این جی سیکٹر کے حوالے سے حکومت کی مثبت پالیسی اور فیوچر وژن کا ثبوت ملتا ہے۔

انہوں نے کہا ہے کہ اس پالیسی کی وجہ سے فیول امپورٹ بل میں کمی واقع ہوگی کیونکہ اس سے بارہ لاکھ لوگوں کو روزگار کے مواقع ملیں گے۔

اس ضمن میں ان کا مزید کہنا تھا کہبڑے شہروں میں سی این جی کا استعمال بڑھنے سے فضائی آلودگی میں کمی واقع ہوگی۔