کاروباری ہفتے کے دوسرے دن ہنڈرڈ انڈیکس میں چھ سو سولہ  پوائنٹس کااضافہ دیکھا گیا ہے، انڈیکس چالیس ہزار نوسو چھپن کی سطح پر بند ہوا ہے۔

تفصیلات کے مطابق پاکستان اسٹاک ایکسچینج میں تیزی کے رجحان کے بعد 100انڈیکس میں 616  پوائنٹس کااضافہ  ہوا ہے جبکہ انڈیکس   40 ہزار 956کی سطح پر بند  ہوا ہے۔

کاروبار کے دوران انڈیکس چالیس ہزار نوسو چھپن کی سطح پر پہنچ گیا ہے جبکہ انٹر بینک میں ڈالر دس  پیسے سستا ہوکر  5 ماہ کی کم سطح پر آگیا ہے جس کے بعد ڈالر ایک سو باسٹھ روپےاٹھائیس پیسے کا ہوگیا ہے۔

ملک میں سونے کی  قدر میں  بھی اتار چڑھاو کا سلسلہ جاری ہے جس کے بعد فی تولہ قیمت ایک لاکھ سولہ  ہزار جبکہ دس گرام کی قیمت ننانوےہزار چارسواکیاون روپے ہوگئی ہے۔