وفاقی وزیر عمر ایوب نے کہا ہے کہ پی ایس او کی جانب سے کورونا اور پٹرول بحران کے دوران بھی بلا تعطل فیول فراہمی قابل ستائش ہے۔

تفصیلات کے مطابق وفاقی وزیر توانائی عمر ایوب اور معاون خصوصی ندیم بابر کی جانب سے پی ایس او ہاؤس میں منعقد اجلاس میں شرکت کی گئی ہے۔

اجلاس میں وفاقی وزیر کا کہنا تھا کہ پاکستان میں توانائی کے سیکٹر میں سرمایہ کاری کے وسیع مواقع موجود ہیں۔

اجلاس کے دوران معاون خصوصی ندیم بابر نے کہا ہے کہ پی ایس او کی جدید ٹیکنالوجی اور آٹومیشن کا قیام عمل خوش آئند ہے اور پی ایس او کی طرف سے سب سے پہلے یورو 5 کی دستیابی کو بھی سراہتے ہیں۔

یاد رہے کہ اجلاس کے دوران پاکستان اسٹیٹ آئل کے منیجنگ ڈائریکٹر نے کمپنی کی کارکردگی اور بزنس پلان پر بریفنگ دی اور بتایا کہ کمپنی ملکی توانائی کے شعبے میں اپنا مثبت کردار جاری رکھیں گی۔